Günay Abdullayeva

Uşaqlıqdan valideynləri ilə səyahət edən birini təsəvvür edin. O vaxtlar aeroport sadəcə böyük bina idi, amma indi aeroportların bütün sirlərini bilən, Amadeus sistemində isə rəsmi təlimçi statusuna yüksəlmiş bir turizmçidir.

2007-ci ildən bəri turizm sahəsindədir, 2020-ci ildən isə “blogger rejimini” açıb. Daxili turlardan tutmuş xarici ölkələrə qədər hər yerdə olub. Bir gün ucuz bilet axtaran sərnişin rolundadır, ertəsi gün isə lyüks otelin kral otağında qaldığı təcrübəni paylaşır.

Onun üçün səyahət sadəcə istirahət deyil. Məqsədi insanlara səyahəti sevdirmək, faydalı məsləhətlər vermək, biletlər və otellərdə gizli fürsətləri göstərmək və hətta bəzilərini bu sahəyə gətirib işlə təmin etməkdir. Çünki səyahət onun həyatı deyil, həyatın özüdür.