Elşən İsmayılov

Elşən İsmayılov turizmçi, şirniyyatçı, iqtisadçı və HR mütəxəssisidir. Onun səyahət hekayəsi 1999-cu ildən başlayır. İllərdir yollar üzərində olan Elşən daha çox solo səyahətə üstünlük verir. Maraqlarının mərkəzində tarix dayanır — xüsusilə qədim xalqlar və dinlər. Bununla yanaşı, etnoqrafiya və təbiəti izləyicilərinə tanıtmaqdan zövq alır.

O, səyahəti sadəcə yeni ölkələr görmək kimi deyil, bütöv bir təcrübə kimi təqdim edir. Viza prosesindən tutmuş səyahət planlamasına, davranış qaydalarından yerli mədəniyyətin incəliklərinə qədər hər bir detalı izləyiciləri ilə bölüşür. Onun məqsədi təkcə getdiyi yerləri göstərmək deyil, həm də səyahətin bütün mərhələlərini insanlara çatdırmaqdır.