Bahar Özen

Bahar Özenin diplomları var ki, adam baxanda dərindən nəfəs almaq istəyir. Molekulyar Biologiya üzrə həm bakalavr, həm də magistr dərəcəsinə sahibdir; yəni bir hüceyrənin içində hansı məhəbbət, hansı dram yaşanır – Bahar hamısını bilir.

Amma o da bir gün düşünüb ki, “yalnız molekullarla danışmaq olmaz, bir az da insanlarla məşğul olum” və gedib Marketing üzrə ikinci magistr də edib. Bununla da “elmlə marketinqi birləşdirən nadir nümunə” titulunu qazanıb.

Üstəlik, 10 illik marketinq meneceri təcrübəsi ilə hansı məhsulu necə parıldadacağını yaxşı bilir.

Bir müddətdir həyat yoldaşının işi səbəbilə Bakıda yaşayır, bundan əvvəl isə Londonun dumanlı küçələrində həyat təcrübəsi toplamışdı.

Fərqli mədəniyyətləri araşdırmağı, gördüklərini paylaşmağı xoşlayır – yəni həm mədəniyyət turisti, həm də mədəniyyət reportyoru funksiyasını eyni anda icra edir.

4 dekabr 2025-ci ildən ATBA üzvüdür.