Azərbaycanın ən səfalı bölgələrindən olan Şəki tarixlərə dayanan keçmişi, bugünü, dadlı mətbəxi, əsrarəngiz gözəlliyi, insanlarının qonaqpərvərliyi ilə hər zaman həm yerli, həm də xarici turistlərin bir nömrəli məkanları siyahısındadır.
İstənilən hava şəraitində cazibəsini qoruyan Şəki bu gün ziyarətçilərə hər aspektdən özünü möhtəşəm təqdim edir -istər hər iki karvansarasından tutmuş tarixi hamamlarına kimi, istər sənətkarların işləri ilə, istərsə kəlağayıların gözəlliyi və çeşidliyi ilə.
Bu gün Şəki eyni zamanda ekomarşrut istiqaməti kimi də yeni turizm nüanslarını özündə cəmləyir. Bura gəldikdə rahat şəkildə qoyulmuş ekomarşrut işarələri ilə sərbəst şəkildə “hiking” belə etmək olar.
Və əlbəttə gəlincə dadlı pitidən, Şəki halvasından, bir-birindən gözəl çeşidli lokumlardan yemədən geri dönmək olmaz.
